МУИС-ийн цахим шуудангийн хаяг шинээр нээлгэх болон сэргээх, цахим шуудангийн хаяг бүртгүүлэх заавар

by admin

Num.edu.mn цахим шуудангийн хаяг шинээр нээлгэх болон сэргээх, цахим шуудангийн хаяг бүртгүүлэх заавар 

1. Сиси системд өөрийн эрхээр нэвтрэнэ. /Хэрэв та Сиси системд нэвтрэх эрхгүй бол Бичиг хэрэг,  Хүний нөөцийн ажилтнаас авна уу. 

2. Зүүн гар талд байрлах “Цахим шуудан” цэсрүү орно уу. Энд таны бүртгэлтэй цахим шуудангийн  хаягууд байна. Эндээс МУИС-д хамаарах цахим шуудангийн хаягийнхаа нууц үгийг солих  боломжтой бөгөөд харгалзах хаягны хойно байрлах “Нууц үг сэргээх” гэсэн товчийг дарж шинэ  нууц үгээ оруулна. 

Анхаар: Солигдсон тухай мэдээлэл гарч ирснээс хойш хэсэг хугацааны дараа таны нууц үг  солигдохыг анхаарч хүлээцтэй хандана уу.

3. Хэрэв таны цахим шуудангийн хаяг бүртгэгдээгүй байгаа бол “Цахим шуудангийн хаяг  бүртгүүлэх” гэсэн товчийг дарна уу. Энд та өөрийн ашиглаж буй ямар ч цахим шуудангийн хаягийг  Сиси систем дэх өөрийн мэдээлэлдээ нэмж бүртгүүлэх, МУИС-д харьяалагдах хаягийнхаа нууц  үгийг солих боломжтой болно.  

Анхаар: Бүртгүүлсэн хаягаар тань баталгаажуулах шуудан очих тул та тус хаягруугаа нэвтэрч  чаддаг байх ёстойг анхаарна уу. 

4. Бүртгүүлэх хаягаа бичээд “Илгээх” товчийг дарснаар тус хаягруу “Баталгаажуулах” шуудан  илгээгднэ. Та шуудангаа шалгаж “Баталгаажуулах” товчийг дарснаар таны хаягийг бүртгэж авах  болно.  

Анхаар: Таны илгээсэн хүсэлт 24 цагийн хүчинтэй бөгөөд баталгаажуулаагүй 24 цаг өнгөрсөн  тохиолдолд та дахин хүсэлт илгээх шаардлагатайг анхаарна уу.

5. Хэрэв та өмнө нь МУИС-ийн цахим шуудангийн хаягийг ашиглаж байсан боловч нууц үгээ  мартсан, ашиглахгүй удсан эсвэл шинээр анх үүсгэх хүсэлтэй байгаа бол“Цахим шуудангийн хаяг шинээр нээлгэх болон сэргээх” гэсэн товчийг дарна уу. Энд дарж хаяг сэргээх шинээр үүсгэх хүсэлт  илгээснээр бид таны хүсэлтийг хүлээн авч, холбогдох мэдээллүүдийг шалган, хаягийг  баталгаажуулах ба мэдээлэл зөрсөн тохиолдолд хүсэлтийг буцаах болно. Баталгаажуулсны дараа та  шинэ нууц үг хийх боломжтой болно.  

Анхаар: Таны мэдээллийг шалгаж хаягийг шинээр үүсгэх, сэргээхэд тодорхой хугацаа  шаардагдахыг анхаарна уу. 

6. Танд энэхүү системтэй ажиллахад ямар нэгэн ойлгомжгүй, тодорхойгүй зүйл гарвал 1154 дотуур  утасруу залгаж Мэдээллийн Технологийн Газарт хандана уу.