“PAYBILL” ҮЙЛЧИЛГЭЭ АШИГЛАН ТӨЛБӨР ТӨЛӨХ ЗААВАР

PayBill үйлчилгээгээр төлбөр төлөх гэдэг нь МУИС-ийн дансанд мөнгө шилжүүлэхийг хэлнэ. Суралцагчийн сургалтын төлбөр төлөх бүрэлдэхүүн сургуулийн данс Данс цэнэглэх хэсэгт байрлана. /мөн SISi–нүүр хуудсанд байрлах гарын авлага хэсгээс харах боломжтой/ Уг хэсгээс банк, дансны дугаар, дансны нэрийг харах боломжтой бөгөөд суралцагчийн суралцаж буй бүрэлдэхүүн сургуулиас хамааран ялгаатай данс байх учир өөрийн эрхээр орж дансны мэдээллийг авна уу?

Данс цэнэглэх Paybill үйлчилгээний давуу тал нь:

• Заавал карт ашиглах шаардлагагүй
• Банкаар үйлчлүүлэн төлбөрөө төлж болно
• Төлбөр төлөх интернет банк, смарт банк, mobile банк зэрэг хэлбэрүүдийг ашиглаж болно
• Төлсөн төлбөр SISi дэх дансны үлдэгдэлд нэмэгдэн орно

Данс цэнэглэх Paybill үйлчилгээнд тавигдах шаардлага:

• Суралцагч бүрэлдэхүүн сургуулийнхаа Хаан болон Голомт банкны дансны дугаарыг мэддэг байх
• Суралцагч SISi системд нэвтрэх хэрэглэгчийн нэр буюу SISi ID-гаа мэддэг байх
• Аль ч хэлбэрээр гүйлгээ хийхэд гүйлгээний утга хэсэгт SISi ID-г хамгийн эхэнд зөвхөн латин үсгээр зай авахгүйгээр бичнэ

Жишээ нь:

Гүйлгээний утга: 14B1SAS1234

Гүйлгээний утга: 14B1SAS1234 Овог Нэр

SISi ID-ний араас зай аваад дурын текст бичиж болно. Харин ID-гаа бичихдээ зай авахгүй.

Анхааруулга:

• Данс цэнэглэх Paybill үйлчилгээг ашиглан дансаа цэнэглэсэнээр дансны үлдэгдэлд төлсөн дүн нэмэгдэж орно. Үүнийг төлбөрийн мэдээлэл хэсгээс харах боломжтой.
• Баталгаажуулалтын үед Дансны үлдэгдлээр баталгаажуулах үйлдлийг хийснээр хичээл баталгаажхийг анхаарна уу?

МОНГОЛ УЛСЫН ИХ СУРГУУЛИЙН БҮРЭЛДЭХҮҮН СУРГУУЛИУДЫН ДАНСНЫ ДУГААР